قصة الشجاعة سندس حجازي قصة الشجاعة سندس حجازي

قصة الشجاعة سندس حجازي

16/12/2004 فات ع حياتي ضيف، غريب، مش واضح شو هو وشو التأثير ع حياتي الناتج منه! بس فات استقبلته مع ضحكة لانه مكنتش فاهمه شو في! كنت صغيرة مش فاهمه شوصاير، كنت حابة وجوده بحياتي لانه عملني غير ومميزة عن كل الناس بحياتي:) كبرت وكل سنة كنت اكبرها مع اني طفلة بس كنت اواجه كثيير اشياء، اشوف واسمع واعيش لحظات الي كان صداها احيانًا كبير واحيانًا ميفرقش كثير، بس الاكيد انها غيرت حبي لضيفي العزيز! مجتمعنا مأعطاش علاقتي انا وهالضيف المجال تصير وطيدة، معطهوش حقه عشان يشرحلي شو هو! لا بس اللي فهمته من مجتمعنا انه هذا الاشي وجوده سيء، ومش منيح!! عشت معه كثيير اشياء وبكل مرحلة بحياتي كان معي ولا مره تركني، بس مشاعري اتجاهه كانت عبارة عن الكراهية! مش لاني بده اكره، لا لا بالعكس لانه مجتمعي قلي او اعطاني فكرة انه بس هذا الاشي الي لازم احسه اتجاه ضيفي او بالاحرى كيف بسميه "سيد سكري") سيد سكري كان من اغرب الضيوف الي فاتو ع حياتي بس منه تعلمت كثيير وعشت وشفت كثيير! منه عرفت شو يعني اكون شجاعة، عرفت كيف اواجه مجتمع، منه عرفت شو يعني سكري قبل كل صفي، قبل ما نتعلم عنه بحصة البيولوجيا